Një 29-vjeçar është arrestuar ditën e sotme në Dibër. Shtetasi i identifikuar me inicialet B.M ishte i shpallur në kërkim, pasi dyshohet se është autori i 7 rasteve të vjedhjes në banesa dhe lokale në qytetin e Peshkopisë dhe zonën rreth saj.
Ndërkohë, ai ishte dënuar nga gjykata me masën e sigurisë “Arrest në burg”, për veprat penale “Vjedhja” dhe ‘Vjedhja e mbetur në tentativë’,
”Për këtë shtetas, Gjykata e Rrethit Gjyqësor Dibër ka caktuar masën e sigurisë “Arrest në burg”, për veprat penale “Vjedhja” dhe ‘Vjedhja e mbetur në tentativë’, pasi nga veprimet hetimore të kryera ka rezultuar se është autor i dyshuar i 7 rasteve të vjedhjeve në banesa dhe në lokale, të ndodhura më parë në qytetin e Peshkopisë dhe zonat përreth saj.’’, informon policia.
Në momentin e ndërhyrjes, në tavanin e banesës së braktisur ku ishte i fshehur shtetasi B. M., Policia gjeti dhe sekuestroi një armë gjahu që e mbante pa leje, një armë të ftohtë thikë dhe municion luftarak.
Operacioni policor i koduar “Vakuf”, u finalizua nga Specialistët për Hetimin e Krimit në Komisariatin e Policisë Dibër.
Materialet hetimore iu referuan Prokurorisë Dibër, për hetime të mëtejshme.
