Presidenti Ilir Meta, i pyetur se nëse do të japë dorëheqjen nëse në pushtet do të qëndrojë e njëjta qeveri ka anashkaluar pyetjen, duke thënë se ai nuk do të “flejë” gjumë.
I ftuar në “Çim Peka Live”, gazetari Arjan Çani i ka drejtuar pyetjen dhe ka kërkuar me ngulm përggigjen e Metës, ky i fundit ka përsëritur se nuk do të flejë në një kohë kur populli shqiptar është në vështirësi.
Pjesë nga Biseda:
Çani: Do isha kurioz të dija, se po të dëgjosh presidentin të krijohet idea se jetojmë në një vend normal demokratik. Unë mendoj që nuk kemi ndonjë dallim nga afrikanët përveç ngjyrës së lëkurës. Kur ka në plan të ndryshojë analizën e tij ndaj problemevet të mëdha që ka vendi? Ai flet sikur jemi në një vend normal, por nuk jemi. Mendoni që jeni njeriu i parë në këtë vend që të krijoni një model ndryshe, se po vazhduat të flisni kështu populli do mendojë që ne kemi vetëm diagnozën, por si do zgjidhet kjo gjë?
Meta: Kam përshtypjen që jeni të zhgënjyer nga toni im i qetë. Unë kam thënë si president të shkojmë në zgjedhje të parakohshme. Këtu ka krizë legjitimiteti, sigurisht që nuk jetojmë në një vend normal e 100% demokratik. Shumë institucione janë kapur. Modeli im ka qenë i qartë. Jam presidenti, do mbështes kushtetutën.
Çani: Jeni vetëm…
Meta: Asnjëherë s’e kam ndjerë veten vetëm, e patë në 2 mars. Dhe po të isha vetëm do e vazhdoja këtë betejë.
Çani: A do e jepni dorëheqjen nëse në 26 prill do jetë prapë ky regjim?
Meta: O Çani ju nuk keni besim fare te populli shqiptar. Populli ka kaluar shumë beteja dhe sfida të rëndësishme, do e kalojë dhe këtë.
