Kreu i PD-së, Lulzim Basha, ka shprehur shqetësimin për rritjen e çmimit të energjisë elektrike. Ai thotë se rritja e çmimeve i ka varfëruar shqiptarët e se nuk mund të dalin dot nga shtëpia pa i fikur pasi në anë të kundërt fatura do vijë shumë e kripur.
Basha akuzon qeverinë për çmimin e energjisë se janë më të larta në Ballkan. Pavarësisht premtimit të kryeministrit Rama për t’i ulur ato, shkruan Basha, qeveria dështoi, duke thelluar varfërinë te shqiptarët.
Kreu i selisë blu u bën apel qytetarëve që të fikë dritat e regjimit dhe të sjellë ndryshimin. “Rritja e çmimeve të energjisë i ka varfëruar edhe më shumë shqiptarët. Mjaft më. Le të sjellim së bashku ndryshimin dhe t’i japim dritë të ardhmes”, shkruan Basha.
