Rruga ku u ekzekutua 25-vjeçari Klodian Rasha, do të mbajë emrin e tij. Lajmin e ka përcjellë kreu i Bashkisë së Tiranës, Erion Veliaj, i cili tha se kërkesa është bërë nga babai i tij, Qazim Rasha.
Gjatë vizitës në një shtëpi të rindërtuar në Kashar, Veliaj zbuloi disa detaje nga vizita e tij në shtëpinë e të ndjerit.
Kryebashkiaku Veliaj tha se kërkesën do ta kalojnë javës tjetër në Këshillin Bashkiak. “Isha për vizitë aty, kanë kërkuar që ti vënë asaj rrugicës emrin e djalit të tyre.
Do ta kalojmë javës tjetër në Këshillin Bashkiak. I ati tha; dua të kaloj këtu dhe të paktën kur të shikoj tabelën, të më duket sikur e takoj përditë”, tha Veliaj.
