Një grup protestuesish kanë marshuar drejt Ministrisë së Financave dhe Ekonomisë. Ata kanë thyer dyert e këtij institucioni dhe janë futur brenda. Protesta po zhvillohe në disa zona të kryeqytetit, çka ka shkaktuar një kaos të madh.
Kjo është dita e dytë e protestës për vrasjen e 25-vjeçarit, Klodian Rasha, i cili u ekzekutua dy netë më parë nga një efektiv policie.
Kryeministri Edi Rama, në një prononcim për mediat njoftoi se Minsitri i Brendshëm, Sandër Lleshaj kishte paraqitur dorëheqjen. Ndër të tjera, kreu i qeverisë tha se drejtësia do veprojë lidhur me vrasjen e të riut.
Klodian Rasha u ekzekutua këtë të martë, më 8 dhjetor. Ngjarja ka ndodhur në zonën e Laprakës në kryeqytet, pasi i riu kishte dalë orët e para të mëngjesit jashtë banesës së tij, duke thyer orën policore.
Policia shprehet se Rasha ka kërcënuar efektivin e policisë, ndaj ai ka qëlluar në kushtet e vetëmbrojtjes dhe në errësirë. Por, ndryshe thonë familjarët dhe fqinjët të cilët shprehen se rruga është me ndriçim dhe i riu nuk mbante asnjëherë armë me vete.
