E premte, 22 Janar, 2021
13 C
Tirana

Putin po e fiton luftën hibride të Rusisë kundër Amerikës

Nga David R.Shedd&Ivana Stradner “National Riview”

Megjithëse konfliktet ushtarake tradicionale midis fuqive të mëdha, duket se janë jashtë mode – së bashku me shpalljet zyrtare të luftës – Rusia ka zhvilluar prej vitesh një luftë të heshtur, “hibride” kundër Shteteve të Bashkuara. Synimi i presidentit rus Vladimir Putin:të ndikojë mbi mendjet e amerikanëve.

Kristofer Krebs, drejtori i shkarkuar së fundmi i Agjencisë së Sigurisë Kibernetike dhe Infrastrukturës së SHBA (CISA), deklaroi pas Ditës së Zgjedhjeve, se nuk kishte “asnjë provë që ndonjë kundërshtar i huaj, ishte i aftë të pengonte amerikanët të votonin apo të ndryshonin rezultatin”.

Ai e humbi thelbin e problemit. Çështja reale nuk është se armiqtë tanë po përpiqen t’i pengojnë amerikanët të votojnë, megjithëse edhe kjo është sigurisht shumë shqetësuese. Putini ka më pak të ngjarë të kënaqet me një fitore të secilit kandidat presidencial, sesa të fërkojë duart nga fakti që rezultatet e zgjedhjeve po diskutohen në shumë shtete, me shumë padi ligjore që janë depozituar para gjykatësve.

Bazuar në provat e vitit 2016, përpjekjet ruse për të ndërhyrë në listat e votuesve, dhe për të promovuar manipulimin e votës,nuk mund të neglizhohen. Por në zgjedhjet presidenciale të vitit 2020, qëllimi kryesor i Putinit nuk ishte as të dëmtonte Bajdenit,dhe as të ndihmonte Trumpin.

Sot ne mund të konstatojmë se synimi i tij kryesor, ishte të polarizonte vendin, dhe të mbillte mosbesim dhe kaos social, për të minuar besimin e amerikanëve tek njëri-tjetri, por edhe në procesin e tyre demokratik. Një Amerikë e polarizuar dhe e përçarë, do ta ndihmonte Putinin t’i jepte fund dominimit amerikan të një botë unipolare, dhe ta nxirrte në skenë Rusinë si një fuqi globale.

Operativët rusë kanë përdorur strategji të vjetra sovjetike, për të shfrytëzuar ndarjen racore, dhe për të nxitur protesta në SHBA, përmes përhapjes së keq-informimeve mbi padrejtësisë racore në Amerikë.

Për shembull, Kremlini ka qenë i suksesshëm në infiltrimin e tij si tek grupime nacionaliste të bardha, ashtu edhe tek grupet e lëvizjes “Black Live Matters”. Brenda grupeve të tilla, Rusia nxit retorikën e dhunës, duke bërë që shumë republikanë dhe demokratë të vënë në dyshim besimin e tyre tek institucionet demokratike në vend.

Përballë kësaj lufte, reagimi nga Departamenti i Drejtësisë dhe zyrtarët amerikanë të zbatimit të ligjit, ka qenë i zbehtë. Deri më tani, SHBA ka vendosur sanksione ndaj 4 agjentëve rusë, të njohur për përpjekjet e tyre për manipulimin e zgjedhjeve, dhe ka ngritur akuza ndaj një qendre ruse të njohur si “Agjencia e Kërkimit të Internetit”për një “komplot kriminal për të mashtruar Shtetet e Bashkuara” (lidhur me ndikimin mbi zgjedhje).

Pavarësisht nga këto raste, është më se e qartë se Putini po e fiton luftën hibride të Rusisë kundër SHBA-së. Kjo pasi amerikanët nuk po e kuptojnë se si manipulohen nga Moska .Një nga vështirësitë kryesore në luftimin e ndikimit të lig rus, buron nga kuptimet divergjente të luftës hibride.

Rusia e konsideron luftën hibride një formë konflikti, që përfshin përdorime strategjike të operacioneve ekonomike, diplomatike dhe të ndikimit, së bashku me përdorimin e forcave ushtarake dhe ato të spiunazhit. Ndërkohë SHBA-ja e mendon luftën hibride si veprime apo taktika të përdorura para një lufte konvencionale.

Ndërsa Uashingtoni mendon se po e administron agresionin para konfliktit, Moska e cilëson tashmë veten në mesin e një beteje strategjike, të maskuar si agresion konkurrues. Që nga zgjedhjet e vitit 2016, agjencitë amerikane të inteligjencës, kanë paralajmëruar vazhdimisht mbi kërcënimet ndaj zgjedhjeve amerikane nga shtete të huaja siç është Rusia.

Një Vlerësim i Komunitetit të Inteligjencës në vitin 2017, e vinte theksin tek përpjekjet e shteteve të huaja për të “ndryshuar politikat e SHBA-së, shtuar mosmarrëveshjet. . . dhe minuar besimin e popullit amerikan tek procesi demokratik”.

Në vitin 2018, NBC News raportoi se inteligjenca amerikane kishte dëshmi thelbësore, se operativët e mbështetur nga Rusia, goditën me sukses sistemet e regjistrimit të votuesve në të 50 shtetet, përpara zgjedhjeve të vitit 2016. Kohët e fundit, Bill Evanina, që drejton Qendrën Kombëtare të Kundërzbulimit dhe Sigurisë, zbuloi se Rusia përdori metoda të ndryshme për të “denigruar ish-zëvendëspresidentin Bajden”.

Uashingtoni duhet të jetë i qartë mbi operacionet hibride të luftës së Kremlinit, dhe duhet të nisë të parashikojë qëllimet e Putinit, si dhe të identifikojë mënyrat për të mbrojtur pikat e dobëta të SHBA. Për më tepër, Amerika duhet t’i kundërvihet sulmeve kibernetike ruse dhe shpërndarjes së lajmeve të rreme.

Burimi i lajmit: https://www.nationalreview.com/2020/12/putin-is-winning-russias-hybrid-war-against-america

Përshtatur nga TIRANA TODAY

- Reklama -

Më shumë nga kategoria




Të fundit

Maqedonia e Veriut publikon pagat e kabinetit, Zaev paguhet më pak se Rama

Maqedonia e Veriut ka publikuar pagat e kabinetit qeveritar. Pagën më të lartë e merr kryeministri Zoran Zaev, respektivisht 78.840 denarë, ndërsa i shtohet...

Kim dhe Soreca takojnë kreun e KED: Të plotësohen vakancat në Kushtetuese

Ambasadorja e SHBA-ve në vendin tonë, Yuri Kim dhe ambasadori i BE-së, Luigi Soreca, zhvilluan një takim ditën e sotme me kreun e Këshillit...

Apeli i Metës: Të ndihmojmë biznesin për të ndalur shpopullimin

Presidenti i Republikës, Ilir Meta shprehet i shqetësuar për situatën ekonomike në vend. Meta shprehet se Shqipëria ka barrën fiskale më të lartë dhe...

Shkrihet Dega e LSI-së, të 140 anëtarët i bashkohen Partisë Socialiste

Dega e Lëvizjes Socialiste për Integrim në fshatin Gjeroven në rrethin e Beratit, është mbyllur. Mesditën e sotme, kryetari i degës së LSI-së në...

Gati ose jo, Bajden do të përballet me një test të shpejtë përballë Putinit

Mundësia e parë e presidentit të ri amerikan Xho Bajden për të shmangur qasjen shpesh komode të Donald Trump ndaj Rusisë, erdhi vetëm disa...