Karrierën kriminale e nisi në rrugët e qytetit të tij Medelin, kur ishte adoleshent. Vidhte makina, gurrë varresh, cigare, apo rrëmbente njerëz në këmbim të shpërblimit.
Në fillim të viteve 1970, hyri në trafikun e drogës. Nga truproja i një bosi, u bë trafikanti nr.1 i të gjitha kohërave. Pablo Eskobar mbahet si përgjegjës për vrasjen e 4.000 personave, përfshirë 200 gjyqtarë, dhe 1.000 policë, gazetarë dhe zyrtarë qeveritarë.
Ndryshe nga trafikantët e tjerë, ishte i pari që përdori avionët dhe madje edhe nëndetëset për futjen e drogës në SHBA. Në kulmin e tij, arriti të trafikonte 15 ton kokainë në ditë, duke fituar afro 500 milionë dollarë.
Për 7 vite rresht u cilësua nga “Forbes” si një ndër njerëzit më të pasur në botë. Vlera e pasurisë së tij arriti në 30 miliard dollarë. Për të shmangur ekstradimin në SHBA, u ofrua t’i paguante shtetit borxhin e jashtëm prej 20 miliardë dollarësh.
U vra pas një përleshje me agjentët e DEA-s amerikane dhe policisë kolumbiane më 2 dhjetor 1993, pak ditë pasi kishte festuar 44-vjetorin.
TIRANA TODAY
