Hashim Thaçi u arrestua nga Zyra e Prokurorit të Specializuar më 5 nëntor, dhe u transferua në objektin e paraburgimit të Dhomave të Specializuara të Kosovës (DHSK) në Hagë në të njëjtën ditë.
Aktakuza e ngarkon Hashim Thaçit me akuza për krime lufte dhe krime kundër njerëzimit sipas të drejtës ndërkombëtare.
Ish-presidenti i Kosovës, Hashim Thaçi, në procesin gjyqësor në Gjykatën Speciale në Hagë do të mbrohet nga pesë avokatë.
Me anë të një dokumenti të bërë publik në faqen zyrtare të Speciales, vihet re se autoritetet kanë bërë aprovimin e avokatëve shtesë për Thaçin.
Thaçi do të mbrohet nga Sophie Menegon, David Hopper, Dastid Pallaska, Samuel Blom-Cooper dhe Pierre-Richard Prosper.
