Legjenda e futbollit Diego Armando Maradona, mbylli sytë përgjithmonë. Ky lajm tronditi mbarë opinionin sportiv. Diego Maradona u nda nga jeta pas një arresti kardiak, teksa kurohej në shtëpinë e tij, nga operacioni i kryer në tru. Operacioni kishte qenë i vështirë dhe kërkonte kohë që të rikuperonte. Por mesa duket, organizmi i tij nuk ishte aq i fortë sa karakteri, sa ajo që ai shfaqte gjithnjë në publik por edhe që transmetonte tek futbollistët. Të shumtë janë figurat e shquara që kanë reaguar për vdekjen e tij.
Trajneri aktual i Marsejës, Andre Vijash Boash, ka kërkuar që FIFA të largojë përgjithmonë numrin 10 nga të gjitha garat futbollistike, për nder të yllit argjentinas.
“Unë do të doja që FIFA të hiqte numrin 10 nga të gjitha garat dhe nga të gjitha ekipet. Unë mendoj se është nderi më i mirë që mund t’i bëjmë Diego Armando Maradonas. Vdekja e Diego është një lajm i keq, është humbja e një personi që ka qenë shumë i rëndësishëm për mua“, tha Vijash Boash pas humbjes 0-2 ndaj Portos në Ligën e Kampionëve.
“Sapo ai iu afrua qendrës së trajnimit Inter (ku Vijash Boash ishte ndihmës), unë kam një foto suvenir me të. Unë gjithashtu bleva një orë kushtuar nga Diego Armando Maradona që erdhi me një këmishë të nënshkruar nga ai. Ai është një gjeni futbolli. Ai është një humbje për të gjithë”.
