Pak ditë më parë, portieri i Lacios, Tomas Strakosha rezultoi negativ me koronavirus dhe ishte gati të bashkohej me skuadrën kryeqytetase, për ndeshjen sotme ndaj Zenitit në Champions League.
Raportime të agjencisë “ANSA” zbulojnë se pas rishikimit të analizave në spitalin “Moscat”, nga 95 tamponë të shqyrtuar, vetëm njëri prej tyre ka qenë i kundërt me atë të laboratorit të kontraktuar nga Lacio. Ai është i Tomas Strakoshës.
Gardiani i kombëtares sonë, më 6 nëntor në testin e kryer nga “Futura Diagnostica” ka rezultuar negativ, ndryshe nga rishikimi i prokurorisë së Avelinos, e cila të njëjtin tampon, e nxjerr pozitiv.
Mbetet të shihet vërtetësia e këtij lajmi, por nëse vërtetohet, Lacion e pret një dënim i ashpër.
