Rivaliteti i egër midis Barcelonës dhe Realit të Madridit në futbollin spanjoll, i ka rrënjët tek politika. Gjatë Luftës Civile, ekipi nga Katalonja, ishte bastioni kryesor i forcave republikane.
Presidenti i ekipit të Barcelonës, Josep Sunjol, u vra gjatë luftës nga forcat nacionaliste të Francisko Frankos. Pas fitores në vitin 1939, Franko e shfrytëzoi popullaritetin e futbollit, për ta konsoliduar pushtetin e tij diktatorial.
Katalanasit e urrenin regjimin e Frankos, dhe u përpoqën të shkëputen nga Spanja. Franko e shtypi provincën rebele, përmes shumë ligjeve kufizuese. Ndërkohë nisi të përkrahë hapur ekipin rival, Realin e Madridit.
Në vitin 1943, falë ndërhyrjes së tij direkte, Reali mundi 11-1 Barcelonën në ndeshjen e kthimit të gjysmëfinales së Kupës, kur të parën e kishte humbur 3-0.
Dhjetë vjet më vonë ndërhyri për transferimin e lojtarit të famshëm argjentinas Alfredo Di Stefano tek Reali, edhe pse FIFA njohu si të ligjshëm kalimin e tij të mëhershëm tek Barcelona.
TIRANA TODAY
