Deputetit socialist, Vullnet Sinaj duket se nuk i interesojnë vendimet e qeverisë, pasi ka darkuar në një lokal me grupin polifonik “Çipini”, pa respektuar masat anti-covid.
Jo vetëm që në tavolinë ishin mbi 10 veta, kufiri maksimal i lejuar për grumbullimet nga Komiteti i Ekspertëve, por edhe ia morën këngës.
Kujtojmë që Ministri i Mjedisit dhe Turizmit, Blendi Klosi e pati shpallur kohë më parë muzikën si “armikun” kryesor për përhapjen e virusit.
Por, përtej gjithë kësaj, ligjvënësi socialist Sinaj siç duket i ka marrë parasysh të gjitha, pasi siç thotë ai, për të shijuar pak art të mirë ia vjen edhe gjoba.
Kjo eufori ka zgjatur fare pak, pasi fill pas postimit ai është bërë pishman dhe e ka zhdukur nga faqja e tij zyrtare në facebook.
Megjithatë, reagimi i Sinaj ishte shumë i vonë, pasi videoja tashmë ishte arkivuar nga rrjetet sociale.
