Drejtuesja e “Portokalli”-së Eneda Tarifa është infektuar me koronavirus. Me anë të një video-je në Instagram, ajo njofton familjarët, miqtë e ndjekësit që është vetëizoluar bashkë me vajzën e saj. Ajo ka treguar se ka humbur shijen, dhe kjo e ka shtyrë të bëjë tamponin. Eneda është shprehur se dhe vajza e saj ka qenë në gjendje gripale për dy ditë me temperaturë 37.5-37.9.
“Dje më iku shija dhe kjo ishte një shtysë që të bëja tamponin dhe dola pozitive. Rezultoi që ta kem marrë nga diku, por nuk e di se nga ku, sepse unë jam shumë e kujdesshme.
Jam asimptomatike, nuk ndjej asgjë, e vetmja që më shtyu të bëja tamponin ishte fakti që humba nuhatjen, ndërkohë që unë jam një qejflie ushqimi e jashtëzakonshme dhe kur nuk ndjej shijen e ushqimit ndihem keq.
Tani po pi një kafe dhe nuk e di fare çfarë shije ka. Shpresoj të mos përkeqësohem, por mesa duket ky është maksimumi i simptomave të mia”, është shprehur këngëtarja e njëkohësisht moderatorja, Eneda Tarifa.
View this post on Instagram
