Meta ka vlerësuar daljet e Bashës dhe përpjekjet e tij me thirrjet e vazhdueshme për situatën ndaj pandemisë. Duke folur me superlativa për kreun e PD, Lulzim Basha, kreu i shtetit e ka cilësuar si ekselent. Ndërkohë, teksa u pyet për ngritjen e një komisioni parlamentar për të hetuar akuzat e Dick Marty-t, ai e cilësoi si një turp.
Meta ka folur për akuzat e kryeministrit Rama në drejtim të Lulzim Bashës, për përgatitjen e dosjes për raportin e Dick Marty-t. Ai tha se Rama po përpiqet që të përçajë shqiptarët. Sipas tij, dihet se kush i fabrikoi akuzat e Dick Marty-t, dhe ky është turpi më i madh që po bën Kali i Trojës.
“Si mund të akuzohet Basha kur ka qenë modeli në këtë situatë i sjelljes shembullore për ruajtjen e pandemisë, mirë unë mund të akuzohesh.
Ka qenë shumë bashkëpunues që kur ka filluar pandemia, dhe më duhet të them që opozita dhe ekspertët e saj kanë qenë 5 hapa para pandemisë, kanë kusuret e tyre që u larguan nga parlamenti, por në sjelljen e tyre kanë qenë ekselentë.
Rama të reflektojë, të bashkëpunojë me ekspertët, ka notën 10. Unë mund të kem notën 9 se nuk kam mbajtur maskën, por opozita ka bërë çdo gjë edhe po të ishte në qeveri, vështirë të bënte diçka më shumë.
Parlamenti të ngrejë komision për këtë ligjin që thashë unë, ku një oligark po tenton të vjedhë të gjithë shqiptarët, ky është problem serioz, nëse ka një parlament serioz. Nëse është një bandë le ta miratojnë.
Kjo është turpi më i madh që bën Kali të Trojës se dihet kush i fabrikoi akuzat e Dick Marty-t, se cilat vende e fabrikuan se kërkon të fusë përçarjen mes shqiptarëve. Ç’a mund të them më shumë”, tha Meta.
