Sekretari i Përgjithshëm i PD-së, Gazment Bardhi ka reaguar pas publikimit të videos së kryeministrit Edi Rama, ku shfaqej shefja e Infektitivit, Najada Çomo e cila thoshte se në spital ka shtretër pë pacientët me Covid-19.
Bardhi e pyet Ramën pse hidhen pacvientët nga dritarja dhe të sëmurët dergjen nëpër ambulanca, nëse gjithçka është në rregull në spitalet tona.
Sipas Bardhit, gënjeshtrat e kryeministrit nuk i beson më askush.
”Rama nxorri sot një video-propagandë ku pretendon se gjithçka është në rregull në spitalet tona. Atëherë pse hidhen pacientët nga dritarja? Pse dergjen të sëmurët me orë nëpër ambulanca kur në spitale paska vend? Pse nuk ka staf mjekësor për të gjithë? Pse detyrohen shqiptarët të paguajnë miliona për trajtim në shtëpi? Rama, gënjeshtrat e tua nuk i beson askush.’’, shkruan Bardhi në rrjetin social, Facebook.
