Aktori i mirënjohur i kinematografisë shqiptare, Koço Devole, mbylli sytë përgjithmonë në moshën 75-vjeçare, pas një beteje me koronavirusin. Ikona e humorit shqiptar, është përcjellë sot për në banesën e fundit.
Mes lotëve dhe dhimbjes së madhe që la pas, humoristi do të prehet në varrezat e Sharrës.
Mësohet se makina e funeralit do të ndalet për pak minuta pranë TVSH-së, aty ku humoristi punoi për vite me radhë.
Të pranishëm kanë qenë familjarë, miq dhe kolegë të artistit. Numri i tyre nuk ishte i lartë, e kjo për shkak të frikës nga covid-19, i cili i mori dhe jetën artistit.
Aktori u shtrua fillimisht në spital si i infektuar me Covid, por pasi tamponi i doli negativ, u shtrua sërish në spital për shkak të rëndimit nga leuçemia. Ai s’mundi ta përballonte dot leuçeminë dhe virusin njëkohësisht, ndaj fatkeqësisht u nda nga jeta duke lënë pas një hidhërim të madh.
