Presidenti i Kosovës, Hashim Thaçi dha sot dorëheqjen, pasi është konfirmuar aktakuza nga Gjykata Speciale.
Për kreun e shtetit, Ilir Meta, Serbia po bën çdo gjë për njollosjen e luftës së UÇK-së dhe shpërbërjen e shtetit të Kosovës.
Meta foli edhe për drekën që ka patur me Thaçin në shtëpinë e tij.
“Nuk është diçka e papritur. Ka patur një dyshim dhe janë dhënë qindra miliona euro për ngritjen e Gjykatës Speciale. Serbia ka furnizuar me shpifje Hagën, ka ndodhur kështu edhe me Haradinajn dhe Limajn. Kjo është një përpjekje për të kontribuar në shpërbërjen e shtetit të Kosovës dhe njollosjen e luftës së UÇK-së. Kjo gjykatë është një kosto për atë që Kosova ka arritur. Ishte edhe një kompromis i SHBA, Gjermanisë dhe Britanisë së Madhe. Kuptohet se kemi të bëjmë me akuza politike. Kam biseduar me Thaçin. Ka qenë në shtëpinë time. Ishte i qetë për akuzat. Nuk kam frikë më tha”, u shpreh Meta në ‘Opinion’.
Kreu i shtetit, apeloi po ashtu për unitet të politikës kosovare, duke shtuar se çështja kombëtare është më e madhe se dasitë që mund të ketë mes tyre.
