Që prej fillimit, një nga aspektet më të diskutueshme të pandemisë që po vazhdon ishte shkalla e vdekshmërisë së Covid-19: domethënë, raporti mes vdekjeve nga sëmundja me numrin e të prekurve, i shprehur si përqindje.
Për të saktësuar numrat, tani ka një raport nga Kolegji Mbretëror i Londrës, sipas të cilit shkalla e vdekshmërisë ndryshon në përputhje me përbërjen e moshës së popullsisë. Ku vërehet se më e ulët është në vendet me të ardhura të ulëta (mesatarisht 0.23 për qind), dhe shumë më e lartë në vendet e pasura (1.15 për qind).
Sidomos në këtë të fundit, autorët e studimit vërejnë se “vdekshmëria është shumë më e lartë se ajo e gripit sezonal, i cili qëndron në 0.1 për qind”.
Studimi përdori të dhëna zyrtare në lidhje me vdekjet nga Covid-19, dhe rezultatet e sondazheve sierologjike të kryera në 10 vende, përfshirë Italinë, të gjitha referuar të ashtuquajturës vala e parë e epidemisë. Megjithëse ato kanë disa kufizime. Aktualisht këto hetime janë ato që na lejojnë të vlerësojmë më saktësisht, përhapjen e virusit në territore të ndryshme.
Jo vetëm mbi 75 vjeç
Rezultatet konfirmojnë analizat e mëparshme, sipas të cilave të moshuarit janë në rrezik më të madh. Midis moshave 75 dhe 79, vdekshmëria është 3.39 për qind, rritet në 5.3 për qind për 80-84 vjeç dhe arrin 8.28 për qind në intervalin 85-89 vjeç.
Sidoqoftë, një nga autorët e studimit, LusiOkell, shpjegon se “megjithëse të moshuarit janë në fashën e pjesës më të prekur të popullsisë, moshat e mesme janë gjithashtu në rrezik. Për shembull, ne kemi vlerësuar se Covid-19 vret një në 250 njerëz midis moshave 50-55”.
Rekordi i trishtë italian
Duke i marrë më vete vendet, gjatë valës së parë të pandemisë, vdekshmëria më e lartë u regjistrua në Itali (2.23 për qind), vend që ka një popullsi mesatare më të vjetër se të tjerët.
Çuditërisht, duke iu referuar përsëri fazës së parë të pandemisë, nuk u gjetën ndryshime statistikore në vdekshmëri midis zonave të prekura në një masë më të madhe dhe më të vogël. Për shembull, në raport lexohet se “ne nuk zbuluam një shkallë më të lartë të vdekshmërisë në Lombardi, ku përhapja e virusit ishte shumë më e lartë”.
Burimi i lajmit: https://www.focus.it/scienza/salute/quanto-uccide-covid
Përshtatur nga TIRANA TODAY
