Rama dhe Basha nuk kanë të ndalur akuzat dhe fyerjet ndërmjet tyre, lidhur me menaxhimin e pandemisë dhe jo vetëm. Reagimi i radhës vjen nga kryedemokrati Basha, i cili shigjeton kundërshtarin e tij Rama, se mendjen e ka tek sulmet politike.
Ai kërkon të dije se kur Rama do marrë masat, ndërsa shumë jetë po humbin. Kreu i PD-së shprehet se shëndeti dhe pamundësitë ekonomike, mbeten shqetësimi i çdo shqiptari sot, ndërsa gjendja po rëndohet gjithmonë e më shumë.
Statusi
Gjendja po përkeqësohet. Për shkak të Ramës, njerëzit presin me ditë për tu testuar, nuk kanë lekë për ilaçet e dergjen të sëmurë në shtëpi. Shëndeti dhe pamundësitë ekonomike janë shqetësimi i çdo shqiptari sot. Por në vend që të japë para për testimet, ilaçet dhe të pamundurit, Rama e ka mendjen tek sulmet politike, ndërkohë që vazhdon të paguajë miliona për inceneratorët dhe tenderat korruptivë. Edhe sa njerëz duhet të vdesin për fajin e Ramës???
Rama e ka mendjen tek sulmet politike, ndërkohë që vazhdon të paguajë miliona për inceneratorët dhe tenderat korruptivë. Edhe sa njerëz duhet të vdesin për fajin e Ramës???
— Lulzim Basha (@lulzimbasha_al) November 2, 2020
