Kryebashkiaku i Tiranës, Erion Veliaj, ka reaguar menjëherë pas denoncimeve të kryetares së LSI-së, Monika Kryemadhi, e cila tha në emisionin “Opinion” se aty ku është shkolla “Sami Frashëri” do të ndërtohet një pallat.
Sipas Kryemadhit, aty ku ka qenë shkolla që tashmë është shembur, do të ndërtohej pallat. Pasi qeveria ia kishte kthyer tokën ish-pronarit.
Përmes një mesazhi drejtuar gazetarit të “Opinion”, Blendi Fevziu, Veliaj shprehet se shkolla “Sami Frashëri”, do të ndërtohet aty ku ka qenë dhe dyfish më e madhe.
“Faleminderit zonjës Kryemadhi që bën spote publicitare, por shkolla do të ndërtohet aty ku ka qenë. E ftoj zonjën Kryemadhi në inagurim”, shkruante Veliaj.
