Edhe pse mbajtja e maskës është bërë e detyrueshme në çdo ambient që nga 15 tetori, jo të gjithë e kanë respektuar vendimin.
Ndaj, Policia e Shtetit u ka vendosur masa administrative, qytetarëve që janë konstatuar pa maska mbrojtëse.
Në 24 orët e fundit, janë vendosur 844 gjoba, 659 prej të cilëve qytetarëve që nuk kishin vendosur masjat, dhe 185 pasagjerë pa maska në automjete private
Po gjatë kontrolleve janë shoqëruar në ambientet e Policisë në të gjithë vendin, 12 shtetas që nuk kanë pranuar t’i tregojnë punonjësve të Policisë dokumentin e identifikimit apo nuk e kanë pasur atë me vete, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë.
