Policia e Shtetit ka ushtruar gjatë natës një aksion në Laç për lojërat e fatit.
Gjatë aksionit në fjalë kanë marrë pjesë edhe forcat RENEA, të cilat kanë ushtruar kontrolle në dy biznese.
Policia dhe RENEA kanë sekuestruar kompjutera dhe 20 makineta, si dhe kanë arrestuar pronarin e pikës së lojërave të fatit dhe shoqëruar disa persona të tjerë. Nuk dihet identiteti i biznesmenit të prangosur, dhe personave të tjerë të shoqëruar.
Deri më tani nuk ka ende një njoftim zyrtar nga ana e uniformave blu në lidhje me aksionin, që ka vijuar edhe mëngjesin e sotëm.
Pritet që materialet ti kalojnë prokurorisë së Kurbinit për veprime të mëtejshme, nën akuzën e ”ushtrimit të paligjshëm të aktivitetit të lojërave të fatit”.
