Kryetarja e LSI-së, Monika Kryemadhi, i është nënshtruar para tre javëve një operacioni për heqjen e bajameve. Këtë detaj e ka zbuluar vetë ajo, teksa ka qenë e ftuar në emisionin “Kjo Javë” në News 24.
Ajo i ka munguar studiove televizive, dhe siç duket ka të bëjë me shëndetin e saj. Për shkak të kësaj ndërhyrje që nuk ka qënë aspak e lehtë, kjo edhe për shkak të moshës së kryetares së LSI-së, Kryemadhi tha se efektet i ka patur edhe në humbjen e peshës. Ajo u shpreh me shaka se avantazh ishte se ka humbur disa kilogramë. Referuar masës së re, ku duhet vendosur maska edhe në rrugë, Kryemadhi tregoi disa modele maskash me çmime të ndryshme. Sipas saj, qytetarët e kanë të pamundur për të shpenzuar paratë për maskat, për të mbrojtur shëndetin.
“Duke qenë edhe fundjavë, po e ndaj me ju këtë lajm. Para 3 javësh kam hequr bajamet, që nuk hiqen në këtë moshë, por e bëra se isha e detyruar ndaj edhe më është dashur pak kohë të rikuperohem. Avantazh i mirë është që kemi humbur disa kilogramë, sepse nuk hamë dhe nuk pimë, por fatmirësisht tani kam efekt të mirë në organizëm”.
Ndërhyrje në kohën e Covid kjo zonja Kryemadhi…
“S’ka të bëjë me të, është çështje dezinfektimi dhe ruajtje të higjienës së çdo individi. Mungesa e shumë informacioneve dhe qëllimi për ta kthyer në pandemi apo presion psikologjik të shoqërisë. Pata sot komunikim me një mjek, dhe më tha që shumica e pacientëve por edhe viktimave, kanë qënë me sëmundje shoqëruese. Ne në një anë bërtasim për covid, dhe nga ana tjetër kanë mbetur pas dore persona me probleme të tjera. Mendoj që është një virus i panjohur për mjekësinë, por secili duhet të ketë higjienën ndërsa politika nuk duhet ta përdorë këtë për të mbushur shportën me premtimet e saj”.
Do e zbatoni masën e re të qeverisë për maskën?
“I kam marrë me vete ca, (tregon maskat) kam marrë edhe çmimet e maskave. Kjo është 6 mijë lekë, përdoret 1 herë në ditë. Kjo tjetra 4 copë 2 mijë lekë, kjo këtu është 70 lekë e kam marrë në supermarket. Pra sot një qytetar për të mos u sëmurur duhet ta ndryshojë cdo 2 apo tre orë, i bie gati 12 mijë lekë.
