Shefja e Epidemiologjisë ka folur nga Infektivi, ndërsa ka konfirmuar se është në gjendje të mirë shëndëtësore dhe se koronavirusin e kapur shpejt.
Silva Bino vijon të ndodhet në spital, pasi vuan nga COVID-19. Doktoresha shtoi më tej se vijon të marrë trajtim.
“Erdha në kohën e duhur, jam në gjendje të mirë shëndetësore. Kalova formën e rëndë të COVID, e po vijoj të marr trajtim. Sot jam për të folur për vaksinën e gripit”, tha Bino.
Silva Bino thotë se deri në fund të muajit nëntor, mund të përfundojë procesi i vaksinimit, që mund të kryhet në cdo kohë gjatë sezonit të gripit.
Sa i përket vaksinimit të gripit për personat e prekur nga Covid, Silva Bino shpjegon se kur je me COVID nuk mund të vaksinohesh. Vetëm pasi të kenë kaluar 14 ditë apo pas tamponit negativ, qytetari mund të kryejë vaksinimin.
