Ministri në detyrë për Punët e Jashtme, Genc Cakaj ka zhvilluar një bisedë online me me Komisionerin për Politikat Evropiane të Fqinjësisë dhe Zgjerimit, z. Olivér Várhelyi dhe Ministrat e Jashtëm të gjashtë shteteve të Ballkanit Perëndimor.
Cakaj bëri me dije se diskutimi u përqendrua tek prioritetet e projekteve ekonomike e harmonizimi i objektivave rajonale para publikimit të Planit Ekonomik dhe të Investimeve të Komisionit Evropian.
Ai shprehu gatishmërinë për të vijuar punën e pakursyer për anëtarësim në BE.
Postimi i Cakajt në Facebook
Sapo mbyllëm një komunikim jashtëzakonisht të rëndësishëm me Komisionerin për Politikat Evropiane të Fqinjësisë dhe Zgjerimit, z. Olivér Várhelyi dhe Ministrat e Jashtëm të gjashtë shteteve të Ballkanit Perëndimor.
Bëmë bisedën e fundit lidhur me prioritetet e projekteve ekonomike e harmonizimin e objektivave rajonale para publikimit të Planit Ekonomik dhe të Investimeve të Komisionit Evropian.
Ky plan investimesh është i një rëndësie thelbësore, jo vetëm për të transformuar ekonomitë e vendeve tona veç e veç, por edhe për të përshpejtuar procesin e rritjes së kapaciteteve të përgjithshme për anëtarësim në Bashkimin Evropian.
Shqipëria do të vazhdojë punën e pakursyer për anëtarësim në BE.
https://www.facebook.com/cakajgent/posts/2736188396650784
