Kastro Zizo është bërë baba për herë të tretë, dhe ardhja në jetë e Dantes ishte një pikë kthese në jetën e tij. Shpesh në intervistat e tij të fundit, ai ka pohuar se jeta e tij ka ndryshuar dhe se e ka lënë alkoolin.
Gjatë një interviste në “Wake Up”, Kastro Zizo tregoi se Dante solli një “revolucion” të brendshëm tek ai, duke e bërë të marrë vendime të rëndësishme.
“Kam pasur revolucion të brendshëm me lindjen e djalit. Kam reflektuar dhe kam lënë alkoolin, i cili më ka turbulluar për shumë kohë dhe më ka shkatërruar në raport me ata që doja”, tregon Kastro i emocionuar.
Kastro ka shtuar më tej se tre fëmijët e kanë bërë më të përkushtuar, pasi trupi dhe qenia e tij janë shkrirë për Dankan, Nia dhe Dante.
