Lionel Messi ka folur në lidhje me spekulimet mbi largimin e tij nga Barcelona, duke sqaruar se nuk ka pasur qëllim asnjëherë t’i shkaktojë probleme ekipit.
Sulmuesi argjentinas kërkoi të largohej muajin e kaluar nga Barcelona, por në fund ai arriti të gjej një marrëveshje me drejtuesit e klubit për të qëndruar në “Camp Nou”.
“Unë e marr përgjegjësinë për gabimet e mia, nëse ato kanë ekzistuar. Ishte vetëm për ta bërë Barcelonën më të mirë dhe më të fuqishme. Dua të dërgojë një mesazh tek shoqëria dhe fansat që na ndjekin Nëse në ndonjë moment ata janë ndier të zhgënjyer për ndonjë gjë që unë e kam thënë apo e kam bërë, duhet ta dinë që unë gjithmonë e kam menduar më të mirën për klubin. Dua t’i jap fund kësaj çështje. Duhet të jemi të bashkuar sepse më e mira ende nuk ka ardhur”, tha ai.
