Gjykata e Fierit ka lënë në burg Elton Metën, i cili kërcënoi se do të vetëvritej me kallashnikov në shtëpinë e vjehrrit. 31-vjeçari që alarmoi familjen e tij e të gruas dhe kërcënoi se do të vetëvritej me kallashnikov, është lënë në masën “arrest me burg”.
Ky shtetas akuzohet për “Dhunë në familje”, “Armëmbajtje pa leje” dhe “Kundërshtim i punonjësit të policisë”.
Gjatë seancës, 31-vjeçari është paraqitur i qetë dhe nuk ka pranuar të flasë në lidhje me çështjen e tij. Mbrëmjen e 19 shtatorit, Elton Meta shkoi në shtëpinë e vjehrrit, pasi nusja i kishte ikur nga banesa, sepse dyshonte se e tradhtonte.
Meta kanosi familjen e saj dhe mori kallashnikovin duke e vënë në fyt dhe duke kërcënuar me vetëvrasje. Pas pesë orësh negociatash me forcat RENEA, Meta u vetëdorëzua.
