Ish-presidenti Bujar Nishani ka komentuar akuzat e Besa Shahinit pas largimit, se PD e ka fyer për dialektin. Për Nishanin nuk është dialekti i Kosovës që e bën të përçmuar ish Ministren e Arsimit, ‘por gjuha e helmatisur e guzhinës shqiptarofobe të çetnikëve serbë që rrjedh nga goja e qyqarëve të keqpërdorur, si ajo’.
Statusi nga Bujar Nishani
Nuk është dialekti i Kosovës që e bën të përçmuar marksisten ish Ministre e Arsimit, por gjuha e helmatisur e guzhinës shqiptarofobe të çetnikëve serbë që rrjedh nga goja e qyqarëve të keqpërdorur, si ajo !
Anëtarja e qeverisë që nxorri në shitje trojet e Kosovës, nuk lahet dot nga llumi i tradhëtisë historike.
Opozita e sotme në Shqipëri është kampione e çështjes kombëtare në tërësi dhe vlerave të Kosovës në veçanti.
Sepse ajo është krijuar si e tillë, ka sakrifikuar për atë dhe nuk do të reshtë kurrë të përballet për të.
https://www.facebook.com/permalink.php?story_fbid=3221144031268344&id=288438424538934
Ministrja e Arsimit, Besa Shahini u zëvendësua nga deputetja e PS-së Evis Kushi. Shahini ka bërë një koment për opozitën, për të cilën tha se është zhgënjer nga diskriminimi për shkak të dialektit kosovar.
Sipas saj, ka qenë e paimagjinueshme për të që opozita do të ngrihej nga dita e parë të sulmojë prejardhjen dhe dialektin e tyre. “Ka qenë e paimagjinueshme për mua që opozita do të ngrihej nga dita e parë të sulmojë prejardhjen dhe dialektin tonë. Të thuhet se shqiptarët që flasin dialektin Kosovar (apo verior) janë më pak inteligjent apo me pak të mençur, është epitomi i racizmit. Natyrisht, s’mund të quhet racizëm se jemi i njëjti komb, por që janë përdorur taktika të njëjta, kjo nuk mund të mohohet”, shkruante ajo në Facebook.
