Një ngjarje e rëndë ka ndodhur mëngjesin e sotëm në Rrogozhinë, ku është gjetur i vdekur në mjetin e tij një 33-vjeçar. Sipas policisë, shtetasi Klevis Kapllani është vrarë me armë zjarri.
Raportohet se Kapllani ka qenë i dënuar më herët në Itali, për trafik droge. Ai kishte dy vite që ishte kthyer në Shqipëri. Nuk dihen detaje të tjera për këtë rast, ndërsa uniformat blu kanë nisur nga hetimet.
Njoftimi i policisë:
Më datë 15.09.2020, rreth orës 06:00, në fshatin Sinaballaj të Rrogozhinës, është gjetur pa shenje jete në mjetin e tij, dyshohet si pasojë e përdorimit të armës së zjarrit, shtetasi K.K., 33 vjeç.
Është ngritur menjëherë një grup i posaçëm hetimor i përbërë me Specialistët të Drejtorisë Vendore të Policisë Tiranë dhe Specialistë të Komisariatit të Policisë Kavajë, dhe nën drejtim e Prokurorisë.
Vijon puna për fiksimin e çdo prove materiale që do çonte në zbardhjen e ngjarjes, identifikimin dhe kapjen e autorëve.
