Një situatë qesharake u krijua sot në thuajse shumicën e shkollave, ku fëmijët të pajisur me maska mundoheshin të ruanin distancën, e ndërsa prindërit jepnin shembullin më të gabuar.
Ata prisnin tek hekurat, ndërsa fëmijët e tyre futeshin në ambientet e shkollës.
Prindërit dukeshin se nuk donin t’ia dinin për pandeminë, e ku për fat të keq, shfaqet e njëjta panoramë si e viteve të shkuara, ku virusin nuk e kishin pranë nesh.
Gazetari Mentor Kikia ka ironizuar prindërit, ndërsa demostron se çfarë ndodh me shkollat në Shqipëri, duke nënvlerësuar numrin e të infektuarve dhe të vdekurve.
“Situata surreale e covid-it në shkolla!
Fëmijët në distancë, me maska, u matet temperatura, paraqesin certifikatën tek mësuesit…
Ndërsa prindërit jashte gardhit “luajnë” kala dibrançe, në pritje të fëmijëve. Ata nuk mbajnë as distancë, as maska, as certifikatë…
Është një situatë surreale. Fëmijët mund të jenë të mbrojtur nga njëri-tjetri, por nuk janë të mbrojtur nga prindërit e tyre dhe të rriturit e tjerë”, shkruan Mentor Kika.
Të gjithë fëmijët dhe prindërit do të duhet të plotësojnë çdo ditë një formular deklarimi për shendetin. Ky është rregulli i ri i vendosur nga Ministria e Arsimit, për të kontrolluar përhapjen e virusit në shkolla.
Formulari duhet të plotësohet nga prindi dhe fëmija, dhe t’i dorëzohet mësuesit përpara se të hyjë në shkollë.
