Ambasadorja amerikane Yuri Kim, ka folur lidhur me arrestimin e gjyqtares Mimoza Margjeka. Kjo e fundit mori ryshfet për të ndryshuar masën e sigurisë, për të dënuarin për transport të paligjshëm të emigrantëve, kundrejt një pagese prej 6000 eurosh.
Ambasadorja ka përshëndetur arrestimet me urdhër të SPAK. “Ka ardhur koha që SPAK të jetë tërësisht funksional. Ne kemi parë disa po përpiqen t’i pengojnë në punën e tyre, dhe mandje po intimidojnë prokurorët e gjyqtarët. Ka ardhur koha që t’u qëndrojmë fort këtyre personave”, ka thënë ajo nga Shkodra.
