Kryeministri Edi Rama aktualisht ndodhet në Vjenë, ku po merr pjesë në mbledhjen e Këshillit Special të OSBE për krizën dhe tensionet në Bjellorusi.
Takimi i parë i Ramës ka qenë me zv/sekretarin amerikan të Shtetit i cili është njëkohësisht edhe i dërguari i SHBA për Bjellorusinë, Stephen Biegun.
Sakaq, pritet që ditën e nesërme, Këshilli Special i OSBE të diskutojë dhe propozojë edhe ndërmjetësim për zgjidhjen e krizës në Bjellorusi të shkaktuar nga zgjedhjet e fundit presidenciale, ku Lukashenko akuzohet për manipulim rezultati.
Shqipëria udhëheq këtë vit Kryesinë e OSBE dhe Rama si kryeministër është dhe kryetar i saj.
Rikujtojmë se ai i bëri ftesë Bjellorusisë për ndërmjetësim të një dialogu nga OSBE për zgjidhje, e cila s’ka marrë ende përgjigje nga Presidenti Lukashenko.
