Presidenti i Kosovës, Hashim Thaçi, ka reaguar lidhur me marrëveshjen për qeverinë e re në Maqedoninë e Veriut.
Përmes një postimi në Facebook, Thaçi i uron suksese BDI-së në përgjegjësitë e tyre institucionale.
“E mirëpres arritjen e marrëveshjes për formimin e Qeverisë së re në shtetin tonë fqinj, Maqedoninë e Veriut. Partnerëve të koalicionit qeverisës u uroj suksese në përgjegjësitë e tyre institucionale dhe në përmbushjen e kësaj marrëveshjeje me perspektivë të qartë për të ardhmen e Maqedonisë së Veriut. Shqiptarët janë faktor të vendimmarrjes dhe stabilitetit në Maqedoninë e Veriun dhe në tërë rajonin tonë. HTH”, shkruan ai.
