Kosova ka regjistruar një rritje të rasteve të reja me koronavirus në 24 orët e fundit.
Sipas IKSHPK-së, gjatë orëve të fundit në Kosovë konfirmuar 141 raste të reja, në krahasim me 129 që u regjistruan një ditë më parë.
Ndërkohë, sa i përket numrit të viktimave, gjatë 24 orëve të fundit janë shënuar 6 vdekje, tre më pak se dje.
Deri më tani, në Kosovë janë regjistruar mbi 11 mijë raste pozitive me COVID-19 dhe 416 viktima. Aktualisht, janë 3.708 raste aktive në vend.
Deklarata e plotë:
219 TË SHËRUAR DHE 141 RASTE ME COVID-19!
Gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 494 mostra të marra nga ShSKUK, gjurmimi i kontakteve të rasteve në terren dhe laboratoret private, prej të cilëve rezultojnë 141 raste pozitive. Brenda 24 orëve janë raportuar 6 raste të vdekjes me SARS CoV-2 pozitiv.
Numri total i rasteve pozitive është 11.686 raste nga 44.927 persona të dyshimtë në virusin SARS-CoV-2 dhe 416 raste të vdekjes.
Gjatë 24 orëve të fundit, janë shëruar 219 pacientë derisa numri i përgjithshëm i të shëruarve deri më sot është gjithsej 7.562 raste, kurse numri i rasteve aktive është 3.708.
Rastet pozitive janë nga: komuna Prishtinë 54 raste, komuna Gjilan 16 raste, komuna Mitrovicë 11 raste, komuna Ferizaj 10 raste, komuna Fushë Kosovë 9 raste, komuna Podujevë 9 raste, komuna Prizren 4 raste, komuna Vushtrri 4 raste, komuna Lipjan 3 raste, komuna Pejë 3 raste, komuna Suharekë 3 raste, komuna Drenas 2 raste, komuna Dragash 2 raste, komuna Malishevë 2 raste, komuna Zubin Potok 2 raste dhe me nga një rast komunat Han i Elezit, Kamenicë, Kaçanik, Rahovec, Shtime, Skenderaj dhe Viti.
