Një shqiptar që jeton në Britaninë e Madhe i ka vënë zjarrin shtëpisë, në përpjekje për t’i bërë një propozim sa më romantik të dashurës së tij.
Albert Ndreu, i cili jeton në Sheffield të Britanisë së Madhe, ka kaluar dy javë duke planifikuar në detaje propozimin që deshi t’i bëjë të dashurës së tij, Valerija Madeviq.
Sipas The Telegraph, ai vendosi që ta befasojë të dashurën duke e mbushur dhomën me qirinj dhe 60 tullumbace. Gjithçka po shkonte sipas planit deri në momentin kur banesa u përfshi nga flaka prej qirinjve, të cilët krijonin fjalinë “a do martohesh me mua?”
Por pavarësisht gjithë pengesave, Ndreu u ul në gjunjë dhe i propozoi Valerias për martesë dhe ajo iu përgjigj me PO.
“Nuk shkoi ashtu siç e kam menduar, por ajo tha po, dita mori një kthesë të papritur, por në fund përfundoi ashtu si dëshiroja të shkonte”, tha i riu shqiptar.
Aktualisht, çifti po qëndron tek të afërmit e tyre.
