Aida Hajnaj është emëruar kryetare e Byrosë Kombëtare të Hetimit.
Propozimi i saj për drejtuese në këtë institucion u bë dy ditë më parë nga SPAK ndërsa ka marrë miratimin edhe nga Këshilli i Lartë i Prokurorisë.
Sipas Komisionit të Përzgjedhjes, ajo i plotëson të gjitha kriteret ligjore për të marrë këtë detyrë.
Komisioni s’kualifikoi nga gara 3 kandidatët: Artur Beu, Ervin Hodaj dhe Idajet Faskaj pasi nuk kaluan Vetting-un.
Procesi u zhvillua në prani të dy përfaqësuesve evropianë dhe dy amerikanë. Para se të marrë detyrën, drejtori i Byrosë së Hetimit duhet të kryejë një trajnim prej 6 muajsh në FBI.
