Kabineti qeveritar ka pësuar sot disa ndryshime. Zv.ministrja e Brendshme, Rovenda Voda është larguar nga detyra. Ende nuk dihen arsyet e këtij vendimi.
Po kështu është firmosur edhe largimi i Dorina Çinarit, zëvendësministre e Infrastrukturës dhe Energjisë.
Kujtojmë se mëngjesin e sotëm njoftoi dorëheqjen për arsye personale, zv.ministrja e Drejtësisë, Fjoralba Caka.
Ende nuk ka informacione lidhur me këto lëvizje në këto tre ministri, dhe as kush do t’i zëvendësojë tre emrat e liruar nga detyra.
