Policia nuk ka të ndalur me kontrollet, lidhur me respektimin e protokolleve të sigurisë, me qëllim parandalimin e përhapjes së COVID-19. Burimet zyrtare njoftojnë se uniformat blu kanë gjobitur me nga 1 milion lekë, 19 subjekte që ushtronin aktivitet të shoqëruar me muzikë apo që nuk respektonin protokollet e sigurisë.
Gjatë fundjavës janë ndëshkuar me nga 1 milion lekë, 19 administratorë lokalesh që janë konstatuar duke ushtruar aktivitet me muzikë pas orës 20:00, apo nuk kanë respektuar protokollet e sigurisë. Më konkretisht bëhet fjalë për 7 lokale në Tiranë, 4 lokale në Durrës, 4 lokale në Lezhë, 3 lokale në Vlorë dhe 1 lokal në Korçë.
Njoftimi
Policia e Shtetit – Kontrolle të shtuara në të gjithë vendin, për respektimin e protokolleve të sigurisë, me qëllim parandalimin e përhapjes së COVID-19.
Policia e Shtetit ka gjobitur me nga 1 milion lekë, 19 subjekte që ushtronin aktivitet të shoqëruar me muzikë apo që nuk respektonin protokollet e sigurisë.
Strukturat e Policisë së Shtetit në të gjithë vendin, krahas kryerjes së detyrave për parandalimin dhe goditjen e paligjshmërisë, kanë vijuar kontrollet intensive për zbatimin e masave, me qëllim parandalimin e përhapjes së COVID-19.
Në vijim të kontrolleve të vazhdueshme në subjekte të ndryshme, në zbatim të Akteve Normative, gjatë fundjavës janë ndëshkuar me nga 1 milion lekë, 19 administratorë lokalesh që janë konstatuar duke ushtruar aktivitet me muzikë pas orës 20:00 apo nuk kanë respektuar protokollet e sigurisë, konkretisht:
– 7 lokale në Tiranë;
– 4 lokale në Durrës;
– 4 lokale në Lezhë;
– 3 lokale në Vlorë;
– 1 lokal në Korçë.
Policia e Shtetit apelon për të gjithë administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.
