Fabio Quartararo ka fituar edhe garën e dytë të Botërorit të MotoGP, duke grumbulluar 50 pikë të plota dhe duke kryesuar i vetëm renditjen e pilotëve.
Francezi i Yamaha Petronas kryesoi garën e zhvilluar sërish në cirkuitin e Jerez nga fillimi në fund, duke lënë pas Maverick Vinales me Yamaha-n zyrtare.
Garë shumë pozitive edhe për Valentino Rossin, i cili e përfundoi atë në vendin e tretë, duke u kthyer në podium pas më shumë se një viti, shkruan “A2”.
Rikujtojmë se hera e fundit që veterani italian ngjitej në podium ishte në vitin 2019, në Çmimin e Madh të Amerikës.
