Studimet e fundit sugjerojnë se prekja nga koronavirusi mund të shoqërohet dhe me simptoma të tjera, si skuqje e lëkurës apo humbje e dëgjimit.
Në një analizë të bërë me 21 pacientë, në periudhën midis 30 Marsit dhe 8 Prillit në spitalin ‘Ramón y Cajal’ në Spanjë, mjekët vunë re skuqje të gojës tek personat e infektuar. Sipas tyre, skuqja e lëkurës mund të jenë një nga simptomat e Covid-19. Por pavarësisht kësaj, ky studim ka nevojë ende për më shumë të dhëna.
Universiteti amerikan “John Hopkins” ka dalë në përfundimin se një tjetër simptomë që shkakton koronavirusi, është humbja e dëgjimit.
Ata thonë se koronavirusi nuk prek vetëm hundën dhe fytin, por edhe veshin dhe pjesë të caktuara të kafkës. Kjo u zbulua nga ekspertiza mjeko-ligjore që iu bë 3 pacientëve, të cilët kishin humbur jetën si pasojë e koronavirusit.
Analizat treguan se kishte prani të virusit në veshin e majtë dhe të djathtë të pacientëve. Kjo do të thotë që humbja e dëgjimit mund të jetë një nga simptomat e sëmundjes.
