Kreu i Shtetit, Ilir Meta, ka përcjellë një mesazh të koduar, duke u shprehur se shqiptarët duan që zëri i tyre të dëgjohet. Meta shton se koha është tani, dhe se duhen procese të reja që u japin njerëzve shpresë për të ndërtuar këtu të ardhmen e tyre.
Ky mesazh i Metës vjen në një moment kur situata politike është e tensionuar, e ku është një debat i nxehtë për listat e hapura.
Në një deklaratë për mediat, opozita jashtëparlamentare deklaroi se kryeministri Edi Rama ende nuk e ka pranuar hapjen e listave 100%.
Kjo opozitë shprehet se qëllimi i Edi Ramës nuk është hapja e listave, por ndalimi i koalicioneve parazgjedhore. Sipas tyre, hapja e listave për Ramën ishte lojë vetëm që të ndryshojë Kushtetutën dhe të dëmtojë koalicionin opozitar.
Statusi
Shqipëria ka diell për të gjithë!
Është një vend i bekuar për të jetuar, por ka nevojë për procese të reja që u japin njerëzve shpresë për të ndërtuar këtu të ardhmen e tyre të sigurtë!
Shqiptarë duan që zëri i tyre të dëgjohet!
Koha është tani!
