Rusia e shikon Mbretërinë e Bashkuar si një nga shënjestrat kryesore në Perëndim.
Paralajmërimi është lëshuar nga një raport i përpiluar nga Inteligjenca dhe Komisioni i Sigurisë.
Në të theksohet se ndikimi i Rusisë në Britaninë e Madhe është kthyer në një “normalitet të ri” dhe akuzohen qeveritë e kaluara se kanë pritur oligarkët me “krahët hapur”.
Raporti bën thirrje për aksion të menjëhershëm për të ndihmuar shërbimet e inteligjencës për të luftuar “këtë kundërshtar shumë të aftë”.
Komisioni i Sigurisë kritikoi zyrën e kryeministrit, Boris Johnson, për vonimin e publikimit të këtij raporti. Downing Street akuzohet se bllokoi publikimin e tij për shkak të zgjedhjeve të dhjetorit, por ka mohuar diçka të tillë.
Hetimi i Inteligjencës britanike dhe Komisionit të Sigurisë mbuloi një sërë çështjesh me rëndësi si fushata dezinformuese, taktikat kibernetike dhe emigrantët rusë në Britani.
Disa detaje që konsiderohen “shumë të ndjeshme” nuk do të bëhen publike nga frika që Moska mund t’i përdorë si provë për të kërcënuar Londrën, shkruan “A2”.
