Situata nga koronavirusi në Kosovë vijon të përkeqësohet, teksa në 24 orët e fundit është evidentuar një rritje e ndjeshme e numrit të rasteve të reja.
Sipas Institutit të Shëndetit Publik në Kosovë, gjatë 24 orëve të fundit janë regjistruar 168 raste të reja, në krahasim me 142 që u shënuan dje. Kështu shkon në 6,045 numri total i rasteve të shënuara me koronavirus në Kosovë.
Ndërkohë janë shënuar edhe 5 viktima nga ky virus, duke e çuar në 144 numrin total të personave që kanë humbur jetën nga COVID-19.
“Numri total i rasteve pozitive është 6.045 raste nga 31.956 persona të dyshimtë në virusin SARS-CoV-2, me gjithsej 144 raste të vdekjes të cilët kanë pasur sëmundje të tjera shoqëruese”, thuhet në njoftimin e Institutit të Shëndetit Publik në Kosovë.
Gjatë 24 orëve të fundit, në Kosovë janë shëruar 157 pacientë, ndërsa numri i përgjithshëm i të shëruarve është 3.226. Më shumë se 2,600 raste janë ende aktive në Kosovë.
