Aktori i mirënjohur Fuat Boçi, ka ndërruar jetë në moshën 89-vjeçare. Lajmi është bërë publik mëngjesin e sotëm, pak orë pasi Boçi mbylli sytë në banesën e tij.
Aktori i mirënjohur nga Fieri do të përcillet sot për në banesën e fundit, në orën 12:00. Ai mban titullin “Qytetar Nderi i Fierit” dhe “Artist i Merituar”.
Fuat Boçi lindi në Voshtinë në vitin 1931. Më pas vendoset në Fier familjarisht në vitin 1938. Rrugën e artit e nisi qysh në moshë të re, me pasion e dashuri. Nga elektriçist, kinomekanik u bë artist. Mbaroi shkollën e mesme të aktrimit pa shkëputje nga puna, në të mirënjohurën “Jordan Misja”. Nga artist amator, arriti majat e larta si profesionist në Teatrin “Bylis” të Fierit.
Për punë të shquar e talent të spikatur në role e karaktere, është nderuar me këto çmime:
Medalja e Punës
Medalja “Naim Frashëri”
Urdhëri “Naimi Frashëri” i klasit të dytë.
Artist i Merituar
Qytetar Nderi i Fierit
Anëtar i Lidhjes së Shkrimtarëve dhe Artistëve të Shqipërisë.
