Një 30-vjeçar me inicialet D.B., është prangosur nga policia, pasi ka goditur një person dhe i është gjetur heroinë në makinë.
Djali nga Tirana, pas një debati me rojën e një resorti në Jalë e ka goditur atë, duke i shkaktuar dëmtime fizike.
Pas kësaj, policia ka mbërritur në vendngjarje. Gjatë kontrollit të mjetit, policia i ka gjetur një sasi prej 5.2 gramë lëndë narkotike të llojit heroinë.
Njoftimi
Himarë, Konfliktohet fizikisht me një shtetas, posedonte edhe lëndë narkotike me vete, vihet në pranga nga Policia shtetasi D. B., 30 vjeç, banues në Tiranë.
Kapja dhe arrestimi i tij u bë pasi mbrëmjen e djeshme, në ambientet e jashtme të një resorti në Jalë të Himarës, 30 vjeçari ka goditur fizikisht rojen për motive të dobëta, duke i shkaktuar dëmtime fizike. Gjithashtu, nga kontrolli i automjetit me të cilin ky shtetas udhëtonte, shërbimet i kanë gjetur një sasi prej 5.2 gramë lëndë narkotike të llojit heroinë, e cila është sekuestruar në cilësinë e provës materiale.
