Pas protestave të shumta të cilat përfunduan me të plagosur, presidenti serb Aleksandar Vuçiç është tërhequr nga plani i tij për të vendosur shtetrrethim në Serbi. Paralajmërimi i tij erdhi në një kohë kur në vend po shtoheshin masivisht rastet me koronavirus, duke e bërë të papërballueshme situatën.
Gjatë së martës, Vuçiç kishte njoftuar se masat e reja të bllokimit do të rivendoseshin më vonë gjatë javës, duke bërë që demonstruesit të mblidheshin para Parlamentit me kërkesën për dorëheqje.
Protestat filluan të martën dhe vazhduan edhe dje me mijëra njerëz që protestonin dhe disa të plagosur jashtë Parlamentit.
Ndodhur në kushtet kur situata mori një tjetër rrjedhë, Vuçiç është shprehur se pa shpalljen e Gjendjes së Jashtëzakonshme, ai nuk do të jetë në gjendje të zbatojë shtetrrethimin nga e premtja në të hënën, për të frenuar përhapjen e virusit.
