Reperi i njohur shqiptar Gjiko, është gjobitur me 400 euro. Reperi, emri i të cilit është Asdren Gjikolli, mësohet se është dënuar, pasi ndaj tij rëndon akuza për “armëmbajtje pa leje”.
Gjykata Themelore në Pejë ka marrë vendimin ndaj reperit. Kryetari i trupit gjykues, gjykatësi Sami Sharraxhiu, ka caktuar shumën prej 400 euro që të pandehurit, Gjiko dhe Valon Alija, duhet të paguajnë brenda 30 ditëve.
Po kështu bëhet me dije se nëse ata nuk e shlyejnë pagesën në fjalë, dënimi do t’u shndërrohet në qëndrim në qeli. Nga aktgjykimi të pandehurve, u janë konfiskuar edhe armët.
Ata e kanë pranuar fajësinë përmes dy avokatëve të tyre, Fisnik Mujaj dhe Blerim Ademaj. Të pandehurit kanë deklaruar se nuk do t’i përsërisin më veprimet e tilla.
