Aktori i ‘Portokalli’-së, Florjan Binaj, tashmë ia ka dalë mbanë me koronavirusin. Ai u karantinua në shtëpinë e tij, ku sipas rregullit duhet të qëndronte për 14 ditë, teksa ndau disa momente me ndjekësit duke treguar se pjesën më të madhe të kohës e kalonte duke fjetur.
Më 29 qershor, aktori bëri tamponin e dytë dhe rezultoi negativ, duke iu rikthyer normalitetit.
Aktori i humorit ka shpërndarë në Instastory edhe rezultatin e tamponit negativ, duke thënë se nga sot e tutje kushdo që e pyet a është i infektuar, do e bllokojë në rrjetet sociale.
