Shkodra është tronditur sot nga të shtënat me armë, por fatmirësisht nuk raportohet për viktima.
Rreth orës 06:00 të mëngjesit, dy persona të maskuar me një motoçikletë kanë kërcënuar dhe qëlluar me armë shtetasin Alban Luka, më konkretisht në afërsi të fshatit Daragjat. Dy personat në fjalë, ende të pa identifikuar i kanë bërë pritë Lukës, i cili po udhëtonte me një mjet tip Benz.
Duke iu referuar dëshmisë së dhënë nga Luka në polici, autorët e kanë ulur në gjunjë drejtuesin e mjetit, duke e kërcënuar dhe pastaj kanë qëlluar me automatik drejt ‘Benzit’.
Ndërkohë policia po punon për identifikimin e autorëve të kësaj ngjarje të rëndë.
